جلد کے لئے 8 ضروری وٹامن

  اگرجلد صحت مند ہوتو خوبصورتی میں خود بہ خود اضافہ ہوجاتا ہے۔جلد انسانی جسم کا ایک ایسا حصہ ہے جوجسم کونقصان پہنچانے والے عناصر کے لئے دیوار کا کام کرتا ہے۔ جیسے سورج کی شعاعیں، جراثیم، سردی کے اثرات، زہریلے مادے اورساتھ ساتھ یہ جسمانی درجہ حرارت کوریگولیٹ کرنے میں مدد کرتی ہے۔

سورج کی الٹراوائیلٹ شعاعیں جلد کے کینسراوراینٹی ایجنگ کاباعث بنتی ہیں۔اسی لئے انڈے کی زردی، مچھلی،کلیجی،دودھ اوراناج اس کابہترین ذریعہ ہیں

کیاآپ جانتے ہیں کہ جلد پرظاہرہونے والے مختلف مسائل وٹامنز کی کمی کا نتیجہ ہوتے ہیں ۔ جس کی باعث انسانی چہرے کا حسن پھیکا پڑجاتا ہے۔

*جلد کو خوبصورت بنانے کے لئے مندرجہ ذیل وٹا منز کی ضرورت ہوتی ہے

وٹامن اے

یہ ایک ایسا وٹامن ہے جوصحت مند جلد کی تشکیل اوربحالی کا کام کرتا ہے۔اگرآپ اس وٹامن کی صحیح مقدارنہیں لیتے توآپ کی جلد اورہونٹ خشک ہوکرپھٹنے لگتے ہیں۔

انڈے ،گوشت، فورٹیفائیڈ ملک، چیز، کریم، کلیجی اورمچھلی کا تیل اس کا بہترین ذریعہ ہیں۔اینٹی آکسیڈنٹ اوربیٹاکیروٹین سے بھرپور پھل اورسبزیاں جیسے پالک ،گاجر،شملہ مرچ،خوبانی ،آڑو اورشکرقندی نہایت مفید ہیں۔

وٹامن ڈی

وٹامن ڈی کی کمی سورائیسس کاسبب بنتی ہے۔اس کی کمی جلد کی خرابی کاسبب بنتی ہے۔وٹامن ڈی دوطرح کے ہوتے ہیں وٹامن ڈی ٹواوروٹامن ڈی تھریسورج کی روشنی سے جلد وٹامن ڈی حاصل کرسکتی ہے۔

سورج کی الٹراوائیلٹ شعاعیں جلد کے کینسراوراینٹی ایجنگ کاباعث بنتی ہیں۔اسی لئے انڈے کی زردی، مچھلی،کلیجی،دودھ اوراناج اس کابہترین ذریعہ ہیں۔

وٹامن ای

یہ ایک اہم آکسیڈنٹ ہے جس سے نقصان دہ ریڈیکل سے لڑنے میں مدد ملتی ہے۔غذا،فضائی آلودگی،سورج کی روشنی ،تمباکونوشی سے جسم میں قدرتی طورپرفری ریڈیکل بنتے ہیں۔

وٹامن ای جلد کواینٹی ایجنگ اورجھریوں سے بچاتاہے۔یاد رکھیں کہ وٹامن ای اکیلے آپ کی جلد کی حفاظت نہیں کرسکتااسکے ساتھ آپ کووٹامن سی لینے کی بھی ضرورت رہتی ہے۔ بادام ،ہیزل نٹ،مونگ پھلی،سن فلاورآئل،بروکلی اورپالک سے وٹامن ای حاصل کیا جاسکتا ہے۔

وٹامن سی

اس وٹامن میں اینٹی آکسیڈنٹ خصوصیات پائی جاتی ہیں اسی لئے یہ جلد کی صحت کے لئے اہم ہے۔ یہ سورج سے ہونے والے نقصان سے تحفظ فراہم کرتاہے۔اس کی کمی سے جلد خشک ،کھردری اوربے جان ہوجاتی ہے۔

اس کی کمی سے پٹھوں اورجوڑوں میں درد اورمسوڑھوں سے خون اورسوجن کی شکایت اورجسم پرلال تل بھی ہوجاتے ہیں۔چکوترا،مالٹا،آم ،پپیتا،پھول گوبھی،ٹماٹر،بند گوبھی،پالک،لال اورہری شملہ مرچ اورلیموں اس کابہترین ذریعہ ہیں۔

رابوفلیون وٹامن بی ٹو

وٹامن بی ٹوغذاسے حاصل ہونے والی توانائی آپ کی جلد اورآنکھوں کی صحت کے لئے بہترہے۔اس کی کمی سے جلد پرریش اوربالوں کاگرنا اورپپوٹوں کی سوجن رہتی ہے۔

اس کی کمی سے آپ کے منہ اورزبان کی جلد بھی متاثرہوتی ہے۔ دودھ ،کاٹیج چیز،دہی،اناج،ہرے پتوں والی سبزیاں،انڈے کی سفیدی ،گوشت اورکلیجی کے استعمال سے آپ اس کی مناسب مقدار حاصل کرسکتے ہیں۔

نیاسن وٹامن بی تھری

جسم میں فیٹ،کاربوہائیڈریٹ اورپروٹین کوتوانائی میں تبدیل کرنے کے لئے نیاسن کی ضرورت ہوتی ہے۔

یہ جلد کوصحت مند اورنظام ہضم اوراعصابی نظام کوسپورٹ کرتاہے۔اسکی کمی سے جلد اورزبان پرسوجن اورزخم ہوسکتے ہیں۔ مچھلی،گوشت،مرغی،انڈے ،دودھ،مشروم ،سیریل اورگری دارمیوے اس کابہترین ذریعہ ہیں۔

وٹامن بی سکس  6

یہ ایک ایساغذائی وٹامن ہے جوجلد کی صحت کے لئے ضروری ہے۔اس کی کمی سے جلد ،ہونٹ اورمنہ کے کنارے خشک ہوکرپھٹنے لگتے ہیں ۔جونہایت تکلیف دہ ہوتے ہیں۔

یہ تکلیف صرف سردی ہی نہیں بلکہ دیگر موسموں میں بھی رہتی ہے۔ مچھلی ،انڈے،مرغی اورآلواس کابہترین ذریعہ ہیں۔

بائیوٹن وٹامن بی سیون

یہ ایک اہم وٹامن ہے  جو گلیکوجن اورفیٹ کی ترکیب اورامینوایسڈ میٹابولزم میں اہم ہے ۔ اسکی کمی سے جلد خشک ہوجاتی ہے ۔بال جھڑنے لگتے ہیں۔یہ کھانے کی اشیاء میں وافرمقدار میں پایا جاتا ہے۔

انڈے کی سفیدی بائیوٹین کے جذب کوروکتی ہے۔  مونگ پھلی ،انڈے کی زردی،پھول گوبھی،مرغی ،مشروم بائیوٹین کے عمدہ ذرائع ہیں

                  

 خواتین و مرد حضرات کے چہرے کی چهائیاں. وجوہات اور علاج. 

 چهائیاں زیادہ تر لڑکوں اور بوڑهوں کے چہرے پر ہوتی ہیں مگر پریشان زیادہ خواتین ہوتی ہیں.  کیونکہ ان کے چہرے کی دلکشی داغ دهبوں سے ماند پڑ جاتی ہے . ایک طرف تو خواتین چهائیوں داغوں سے پریشان اور دوسری طرف ماڈرن دور کے ساتھ ساتھ کپڑوں سے باہر ہونے کو ہیں . .

سورج کی شعاعیں جب جلد پر پڑتی ہیں تو میلانوسائٹس خلیات کے عمل.میں تیزی آجاتی ہے جسکی وجہ سے  رنگدار مادہ میلا نن زیادہ پیدا ہوتا ہے .   اور وہ جلد پر جمع ہو کر نشانات بناتا ہے جو برائون بهی ہو سکتے ہیں کالے بهی. اس لئیے جو خواتین پردے میں رہتی ہیں مکمل لباس پہنتی ہیں چہرے کو ڈهانپ کر رکهتی ہیں ان کے چہرے ہشاش بشاش ہوتے ہیں  جیسا کہ کسی مدرسے سے فارغ التحصیل لڑکیاں اور عالمہ.... ان کے چہرے بغیر کریم کے پر نور رہتے ہیں.

چھائیاں یا سیاہ دھبے چہرے پر میلانین کی زیادتی کی وجہ سے ہوتے ہیں ۔ یہ عموماً تب ہوتا ہے جب جلد کو کوئی نقصان پہنچتا ہے ۔ میلانین وہ مادہ ہے جو جلد کی رنگت کا ذمہ دار ہوتا ہے ۔ جلد کی رنگت کا تبدیل ہونا کسی اوپری چوٹ کی وجہ سے بھی ہوسکتا ہے یا اندرونی خرابی کے باعث بھی۔

 جلد کے جس حصے پر میلانین کی تعداد زیادہ ہوجاتی ہے اس حصے کا رنگ سیاہ پڑنے لگتا ہے ۔

مزید وجوہات

جلد پر سیاہ دھبوں کی کئی وجوہات ہو سکتی ہیں :

سورج کی شعائیں جلد پر پڑنے سے جلد اضافی میلانین بنانے لگتی ہے جس سے جلد کا رنگ تبدیل ہونے لگتا ہے ۔ جلد ایسا خود کو الٹرا وائلٹ شعاؤں سے بچانے کے لیے کرتی ہے ۔

*جسم میں ہارمونل تبدیلیوں کے باعث بھی چہرے پر چھائیاں پڑ سکتے ہیں ۔ خصوصاً دوران حمل جلد کی پگمنٹیشن میں اضافہ ہو سکتا ہے ۔

*عمر بڑھنے کے ساتھ ساتھ جلد پر سیاہ دھبے پڑنے لگتے ہیں جس کی وجہ یہ ہوتی ہے کہ پرانی جلد کی جگہ نئی جلد آنے کا عمل سست ہو جاتا ہے ۔

*جگر کی خرابی سے جلد کی رنگت متاثر ہو سکتی ہے ۔ جگر میں اگر خرابی پیدا ہو جائے تو جلد کے سیلز سےToxins خارج نہیں ہو پاتے ۔

کیل مہاسے بھی مناسب دیکھ بھال نہ ملنے سے جلد پر نشانات چھوڑ جاتے ہیں.